Kevneparlamenterê ANAP’ê yê Mêrsînê Mehmet Kocabaş tevli weşana ROJ TV’ê bû.

 Heta niha gelek siyasetmedarên tirk tevli weşana ROJ TV’ê bûne. Lê taybetiyeke ku tevlibûna Kocabaş derdixe pêş heye. Mehmet Kocabaş beriya darbeya 12’ê Îlonê Serokatiya Ocaxên Nijadperestan a Stenbolê jî kiriye û di nava civata nijadperestan de tê nasîn.

Kevneparlamenterê ANAP’ê yê Mêrsînê Mehmet Kocabaş tevli weşana ROJ TV’ê bû. Heta niha gelek siyasetmedarên tirk tevli weşana ROJ TV’ê bûne. Lê taybetiyeke ku tevlibûna Kocabaş derdixe pêş heye. Mehmet Kocabaş beriya darbeya 12’ê Îlonê Serokatiya Ocaxên Nijadperestan a Stenbolê jî kiriye û di nava civata nijadperestan de tê nasîn.
Mehmet Kocabaş di weşana ROJ TV’ê de anî ziman ku kesên diaxivin gotinên xwe bi baldarî hilbijêrin û wiha got: “Divê gotina dê bê lêvkirin bi baldarî bê hilbijartin. Divê piştgirî bê fikirîn û tişta tê gotin ê li hember ne tirsîne. Yên ku çareseriyeke siyasî difikirin divê aqilane tevbigerin. Lewre bûyerên bi vî rengî hestewariyê qebûl nakin, divê aqilane bin. Bi riyên aqilane, Tirkiye bi pirtir demokrasiyê dê vê pirsgirêkê çareser bike. Ez di vê baweriyê de me.”

PIRSGIRÊKA TIRKIYEYÊ

Mehmet Kocabaş ku pêr tevli bernameya Rojaktûlê ya ROJ TV’ê bû û pirsên rojnameger Erdal Er bersivandin, anî ziman ku Tirkiyeyê pêvajoyê demokratîkbûnê daye destpêkirin. Kocabaş wiha got: “Ev bi tenê pirsgirêka kurdan û gelên din nîn e. Pirsgirêka Tirkiyeyê ye. Statûkoparêz bi senaryoyên tirsandinê gel û dewletê tînin hemberî hev. Pirsgirêk ji vir diqewime. Mixabin CHP û MHP statûparêziyê dikin.”

TÊKILIYA CHP Û MHP’Ê

Kocabaş hevfikirîna CHP û MHP’ê rawe kir û wiha got: “Tê zanîn ku dema CHP hatiye damezrandin 9 tîrên wê hebûn. Piştre daxistin 6 tîran. Wateya 9 tîran teoriya 9 tîrêjan bû. Piştre MHP’ê 9 tîrêj hildan. Ji ber hindêye ku di refleksa dewletparêziyê de her du partî dişibin hev.”

KOCABAŞ KÎ YE?

Kocabaş beriya Darbeya 12’ê Îlonê Serokatiya Ocaxa Nîjadperestên Tirk (Ulku) a Stenbolê dikir. Di nava cemaeta nîjadperestan de tê nasîn. Piştî darbeyê di hilbijartina yekemîn de (1983) ji bo Partiya Nîjadperestên Demokratîk (MDP) wekî parlamenterê Mêrsînê hate hilbijartin. Piştre derbasî ANAP’ê bû. Siyasetmedarekî ku nêzî Turgut Ozal bû.