Category: Uncategorized

Li paytext Lndonê, bi deh hezaran mirov li dijî modernîzekirina fîloya keştiya binê avê, li hev civiyan. Hikûmeta Brîtanî dixwaze bernameya nukleerî ya jêvegerandina Trîdent nû bike. Li hemberî vê yekê bi hezarna kes daketin kolanên Londonê.

Ji amadekarên meşa mezin Campaîng for Nucklear Dîsarmament (Kampanya Bêçekkirinê ya Nukleerî) da xuyakirin, 60 hezar kes li Trafalgar Square li hev civiyane.

Çalakgeran di meşê de dowîzên bi nivîsa “Em ne bombeyan, pirtûkan dixwazin”, “ne nukleerê, otobusan dixwazin” hilgirtin.

Seroka vê saziya civakî ya sivîl Kate Hûdson di destpêka meşê de axivî û got, “Mûxalefeta cemaweriyê xurt dibe. Ev ne kombûneke ji rêzê ya li hemberî nukleerê ye. Ev çalakî wê asta nerazîbûnan nîşan bide.”

Serokwezîra Skoçyayê Nîcola Stûrgeon û lîderê Partiya Karker a li mûxalefetê Jeremy Corbyn jî di çalakiyê de amade bûn. Stûrgeon û Corbyn, bernameya modernîzekirina nukleerî weke “bê exlaqî” pênase kirin û nerazîbûn nîşan dan.

Seroka berê ya Partiya Keskan Carolîne Lûcas jî ji bo bernameyê got, “emaneta pîroz a şerê sar” û nerazîbûn nîşan da.

Tê payîn ku hikûmet îsal biryarê bide. Tê plankirin ku 4 keştiyên binê avê yên nukleerî Trîdent, bi 57 mîlyar dolarî werin nûkirin.

Hikûmet îdîa dike ku ev keştiyên binê avê ji bo ewlekariya neteweyî di asta jiyanî de girîng in û dijderketina li vê yekê wê bi kêrî ‘dijminan’ bê.

Lîderê Partiya Karker jî dixwaze bernameya nukleerê ji holê bê rakirin, lê di nava partiya wî de nêrîneke hevpar a di vî warî de nîne. Ev helwesta Corbyn ji aliyê temamiya partiyê ve nayê pejirandin.

Derhênerê belgefîlma “Kurdistan Kurdistan” Bulent Gunduz di Festîvala Navnetewî ya Fîlmên Sînemagerên Cîhanî ya Londonê de bi xelatê “fîlma herî baş a biyanî” hat xelatkirin, lê wî ew xelat red kir.

Belgefîlma bi navê “Kurdistan Kurdistan” a derhênerê kurd Bulent Gunduz dawiya hefteyê di Festîvala Navnetewî ya Fîlmên Sînemagerên Cîhanî ya Londonê de weke fîlma baştirîn a biyanî hat diyarkirin.

Derhênerê kurd Bulent Gunduz anî ziman ku, welatên ewropî derbarê Kurdan de “sîyaseteke durû” dimeşine û ji ber wê yekê wî xelatê Festîvala Navnetewî ya Fîlmên Sînemagerên Cîhanî ya Londonê red kiriye.
https://youtu.be/7UdgdzoNPkc
Bulent Gunduz wiha got: “Xelata heya niha me standine, me diyariyê zarokên penaber ên li ser rêya jiyana xwe ji dest dane û şehîdên hatine qetilkirin kiriye. Min ji bo kesên li hemberî vê trajediya Kurdan bêdeng dimînin, ew protesto kir û min got dê zêdetir bandore bike.”

“Ev helwesta me diyar e bandore li ser siyaseta dewletan nake, lê li salonê ji çend dewletên cuda derhêner û hunermend hebûn. Di vê çarçoveyê de em wek hunermend em dikarin balê bikişînin li ser vê yekê û lobiyê bikin. Heger derhêner û hunermendên li wê derê piştgirî dane me li welatên xwe balê bikêşinin ser vê yekê, ji bo me destkeftiyeke girîng e.”

Bulent Gunduz anî ziman, îro ji her tişt zêdetir pêwîstiya Kurdan bi lobiyê heye û wiha domand: “Di serî de jî lobiya hunerî tê. Ez hêvî dikim ev helwesta me bandoreke bike. Gel bertekên xwe yên erênî li hemberî me nîşandan.”

Derhênerê kurd destnîşan kir ku her çi qasî niha kurd rastî “tevkujiyên” herî mezin tê, lê bi ew qasî nêzîk azadiyê jî bûne û wiha pê de çû:

“Ez ditrusim heya ku hêzên siyasî yên li her perçeyên nebin yek em pêşnekevin. Heger em ji dest berjewendiyên xwe yên aborî û siyasî berdin û tifaqiyek Neteweyî pêk bînin, emê bikaribin çarenîvisa xwe jî diyar bikin.”

Li mala Havîn im. Bi dê û bawê wê re li odayan digerin. 5-6 salî ye Havîn. Bi destê dayîka xwe girtiye û bernade. Dayik diçe ku ew di pey deye lê, bala wê li me ye. Havîn şaşwaz e, ne dikene ne digirî. Li rûyê wê sariyeke bê wate, çavên wê rawestayî, nerînên wê vikîvala. Wekî pirên kesan malbatan Havîn jî di destpêka şer de reviyabû.  

Selmet Güler-Silopî   

Çi, çawa qewimî nizanîbûn lê belê ji himehim û gurme gurma dengê topan zanîbûn rewş xirab e. Lawma, dema şer diqede li bayê bazê têne taxê. Bi lez e dayik. Meraq dike mala xwe, alavên xwe, kewna xwe ya temenekî. Li serê kolanê, bi xaniyê bê pace û kunekirî, bi perdeyên li ba rû bi rû dimîne.

Destê dayikê di destê Havîn de ye. Dayik qîr dide û ber bi malê dibeze. Tiliya wê ya eşedê ku Havîn bi her pênc tiliyan ev zeft kiribû ji nava tiliyên Havîn dişemite. Havîn ji qîra dayîka xwe vediceniqe. Havîn, pêşî şaş dibe paşê li dûv dayika xwe dibezê. Nagihêje dayîka ku wek koviyeke bizdayî bi çipeke xezalî xwe gîhandibû hundirê malê.

Havîn nizane çi bûye û çi qewimiye, hew ji qîr-giriyê dayîka xwe tirsiyaye. Bi girî li dûv dayika xwe diçe. Havîn li parçeyên beton û alavên ku ji zixta topan firiyabûn kolanê diterpile. Lewra bi likumîn diçe. Pêlikên ku beriya niha dikarîbû wan bialêse, di binê dîwarên ketî de dibîne. Bi çarlepka Havîn xwe di ser wan re diqulibîne.

Derdikeve qata duduyan. Wek dîneharekê dayîka xwe li nava xanî bi ger dibîne. Dayîk, geh qîran dide, geh digirî, geh waweyliya xwe tîne bi mala xwe ya ku bi dehên salan ji lolana dilê xwe re raxistibû û nehiştibû mêşek li ser alavekê dîne. Havîn, di nava dîwarên ketî re, alavên di nava parçeyên betonê ên perçiqî re xwe li dengê dayîka xwe digire.

Li devderiyê salonê ku dayika wê nedihişt Havîn û zarokên din tengî qoltixên rû etlesî ku hew mêvan li ser wan rûdinandin dibîne. Li pêşberî dayîka xwe radiweste Havîn û çavan zur dike. Wek dîneke ku ji qeyd û bendên xwe filitîbe dayik, geh kabên xwe, geh sînge xwe dikute. Havîn ji dayîka xwe ditirse. Destê xwe tavêje dewa wê û mîna bêjê dayê ez li vir im an jî negirî dayê bi her du destan bi qasî hêza temenê xwe dewa dayîka xwe ber bi xwe ve dikişîne.

Dayîk hayî Havîn dibe. Gava dayikê çav li tirsa nava çavên Havîn dike kezebqatandî dibe. Bi çipekê radihêje Havîn, wê ber bi paxila xwe ve dike, wekî bêjê “mal hemî gorî tebî” bi sînga xwe ve dijidîne. Hêstirên wê ku gindirîbûn ser hinarokan bi nermikên ser tiliyan vedimale. Lê belê, qeweta wê nagîhêjê tirsa nava çavên Havîn ku wê jî bimalê.

Piştî şer, bi çar rojan em li mala Havîn bûn. Tirsa çavên Havîn ku kêf û ken jê silikandibûn mîna rimeke romanî hîn di ciyê xwe de zîç bû. Ev tirsa ku leşkerên romê di çavên zarokên kurdan çêkirî wê kengî biçûya û ji xofa dijminên azad bibûna gelo…? Tirsa zarokîtî xedar e. Mîna daxê rih vedikole û heta mirinê şopê li ser giyan dihêle. Zivistan bû, seqem bû, sar bû, ba bû, bager bû. Û tu bêmal bûyî ew roj Havîn. Bi hêviya demsaleke biharî mîna rojên havînî yên têr germ û têr roj Havîn.

Nûnerê Serokê Amerîka Barack Obama yê Koalîsyona Navnetewî Brett McGurk, tevî şandeyeke ji nûnerên Brîtanî û Fransî pêk dihat serdana Rojava kirin. Di serdana ku du rojan berdewam kirî de şandeyê Kobanê jî zîyaret kir û bi rayedarên kantonê re hevdîtin pêk anîn.

Nûnerê Serokê Amerîkayê Barack Obama di Koalîsyona Navnetewî ya li dijî DAIŞ’ê de Brett McGurk ragihand ku armanca wî ji wê serdanê gotûbêjkirina rewşa ewlehî û mirovî ya li Rojava bû û diyar kir ku bi vê boneyê ew li gel welatiyên sivîl û berpirsên herêmê civiyaye.

Brett McGurk behsa mana şûnpiyên DAIŞê li Kobanî piştî derbasbûna demek dirêj bi ser rizgarkirina wê de dike û dibêje: “Heta niha jî paşmayiyên terorîstên DAIŞ’ê li deverên wî bajarî tên paqijkirin.”

McGurk herwiha çend wêneyên şervanên YPG û YPJ’ê jî belav kir û amaje bi berxwedana şervanên YPG û YPJ’ê di şerê Kobanî de kir. Brett McGurk ragihand ku serdana Goristana Şehîdên şerê Kobanî kiriye û wêneyê goristanê jî belav kir.

McGurk li ser wê yekê wiha nivîsandiye: “Me rêz li zêdetirî hezar şehîdên şerê Kobanî girt, ku salek pêş niha dorpêça li ser wî bajarî şikandin.”

Jinan ji bo balkişandina ser êrîşên di serî de Cizîr ên li ser Kurdistan û bi daxwaza êrîşên heyî bibin rojeva meclîsê bi Serokê Giştî yê Partiya Karkeran Jeremy Corbyn re hevdîtin pêk anîn. Di hevdîtinê de Corbyn got pêşketinan ji nêz ve dişopînin û bûyer fikaran dide avakirin, da xuyakirin ku di asta Wezareta Karên Derve ya Îngîltere de wê hewldanên wan çêbibin.

Di hevdîtinê ya li ofîsa herêma Îslîngton a Corbyn de li ser rewşa birîndarên ev 10 roj in li Cizîrê di bodrûmekê de ne hat gotûbêjkirin. Heyeteke ji Meclîsa Jinan a Roj bi Corbyn re civiya û dosyaya têkîldarî êrîşên dewleta Tirk radestî Corbyn kir.

Corbyn da zanîn ku ew gelek caran çûye Kurdistanê û bajarên wekî Cizîrê jî baş nas dike. Corbyn di axaftina xwe de bal kişand ser bûyerên ku rûdidin û got ku ji salên 90 heta niha mixabin tiştek li Tirkiye nehatiye gûhartin û di ser de jî xerabtir bûye.

Li gel êrîşên dewleta Tirk û hikûmeta AKP’ê yên li ser Bakurê Kurdistanê didome, protestoyên li paytext Londonê jî berdewam dikin. Jinên Kurd tevahiya hefteyê bênavber li qadan bûn. Endamên Meclîsa Jinan Ya Roj piştî hevdîtina bi serokê partiya Karkeran Jeremy Corbyn, li şaredariya Islington, li Oxford Circus û balafirgeha Heathrowê jî çalakî li dar xistin.

JINAN LI ŞAREDARIYA ISLINGTONÊ ÇALAKÎ LI DARXIST

Komek jin roja Pêncşemê bi armanca protestokirina êrîşên dewleta Tirk ên li hember Cizîr û bi banga hestyariyê, şaredariya Îslîngton a Londonê dagir kirin.
Li gel êrîşên dewleta Tirk û hikûmeta AKP’ê ya li ser Bakurê Kurdistanê didome, protestoyên li Ewropayê jî belav dibin.
Ji bo birîndarên di bodrûma malek a li navçeya Cizîr a Şirnexê asê mane, li paytexta Îngiltere Londonê çalakî hat lidarxistin. Ji aliyê komek jin ve avahiya Şaredariya Îslîngton hat dagirkirin. Çalakî di nava avahiyê de nêzî saetek berdewam kir, pankarta bi Înglîzî “Dewleta Tirk Kurdan qetil dike” vekir. Hinek jinan jî kefenê bi xwîn li xwe kirin.

ÇALAKIYEK JÎ LI BALAFIRGEHA HEATHROW

Jinên Kurd çalakiyek li balafirgeha Heathrowê jî li dar xistin. Jibo bal kişandina ser bûyerên li Kurdistanê li yek ji balafirgeha herî mezin ya Ewropa Heathrow, li termînala duyemîn ya ku balafirên THY jê difirin çalakî pêk hat. Di çalakiyê de pêşiya gîşeyan hat girtin. Di çalakiyê de bênavber “Terorîst Tirkiye” hatin qêrîn û piştî saetekê çalakî hat bi dawî kirin.

ÇALAKIYA OXFORD CIRCUSÊ RASTÎ ÊRÎŞÊ HAT

Jinan roja Yekşemê jî li navenda Londonê Oxford Circusê jî çalakiyek li dar xist. Di çalakiyê de çend nîjadperestên Pakîstanî yên alîgirên Daîşê êrîşî jinan kirin. Polêsan mûdaxaleyî rewşê kir û di encamê de jineke çalakvan û kesekî Pakîstanî hatin binçav kirin.

LI PIRA WESTMÎNSTER A LONDRAYÊ ÇALAKIYA RÛNIŞTINÊ

Roja Şemiyê danê êvarî komek li pêşiya avahiya Serokwezîrtiyê hatin cem hev, ber bi avahiya parlamentoyê ve ketin meşê, li pira Westmînster çalakiya rûniştinê li dar xistin.

Alışverişte kullanılan her plastik poşet için 5peni ücret uygulanacak. Pazartesi (5 Ekim) günü yürürlüğe giren yasaya göre 250’den fazla işçi çalıştıran şirketler kullanılan her plastik poşet için müşteriden 5peni ücret alacak.

Çevreye büyük zarar veren bu poşetlerin kullanımının azalması için önemli bir adım. Şirketler poşetler için aldıkları parayı yardım kuruluşuna bağışlamaları gerekecek ve devlete parayı nasıl kullandıkları hakkında bilgi vermek zorunda olacaklar.

İngiltere’de uygulanmaya başlayan bu yasa İskoçya, Galer ve Kuzey İrlanda’da daha önce yürürlüğe geçmişti. Birleşik Krallık’ın diğer bölgelerinde yasa kağıt poşetler ve ufak şirketleri de kapsarken, İngiltere’de kapsamıyor.

Verilere göre sadece İngiltere’de yılda 7.6 milyar plastik poşet kullanılıyor, ve tek sefer kullanılan bu poşetlerin çöp arazilerinde erimesinin yüz yıllar sürüyor.

Galer’de uygulamanın başladığı üç yıl içerisinde plastik poşet kullanımı %79 düştü. Hükümet İngiltere’de benzer bir sonuç elde edileceğini tahmin ediyor.

Ücreti ödememek için alışverişe gittiğinizde tekrar kullanılan çantalar kullanmanız gerekecek. Süpermarketler yanı, kıyafet gibi ürünlerin de satıldığı, diğer mağazalar da ücreti uygulamak mecburiyetindeler- kağıt poşet kullanıyorlarsa ücret uygulanmıyor.

Havaalanlarında plastik poşet kullanımına ücret uygulanmayacak. Patates gibi ambalajsız yiyecekler, reçeteli ilaçlar, çiğ et veya balık, canlı balık, ağzı açıkta olan bıçaklar, tohum ve çiçekler alındığında kullanılan poşetler ücretsiz olacak.

Ufak esnaf yasaya tabi tutulmayacaktır, fakat isteyen işyerleri uygulama kararı alabilir.